Аргентина президенти Хавьер Милей Иккинчи жаҳон урушидан кейин Жанубий Америка мамлакатига қочган нацистларга оид барча ҳужжатларни ошкор қилишни буюрди.
Бу ҳақда Аргентина ҳукумати раиси Гильермо Франкос маълум қилди.
"Бир мунча вақт олдин Президент Милей Аргентина фашистлар Германиясидан қочганларни ҳимоя қилган пайтдан бери барча ҳужжатларни оммага эълон қилиш учун узоқ вақт курашиб келаётган АҚШ сенатори Стив Дэйнсни қабул қилди. Ҳали ҳам оммага ошкор этилмаган ҳужжатлар бор, айниқса банк операциялари билан боғлиқ. Президент Милей Дэйнснинг илтимосига биноан, ҳар қандай давлат идорасида бўлиши мумкин бўлган барча ҳужжатларни тақдим этишни буюрди", деди у.
Франкос фикрича, энг муҳим ҳужжатлар Мудофаа вазирлигида бўлиши мумкин. "Бизда бу маълумотни ҳимоя қилиш учун ҳеч қандай сабаб йўқ", дея қўшимча қилди у.
Эслатиб ўтамиз, аввалроқ Аргентина президенти маъмуриятининг расмий вакили Мануэль Адорни Милей мамлакат қуролли кучларининг ҳарбий режим даврида (1976-1983) ҳаракатларига оид барча ҳужжатларни махфийликдан чиқариш тўғрисида буйруқ бергани ҳақида хабар берган эди.
Иккинчи жаҳон урушидан кейин кўп сонли нацист жиноятчилар Жанубий Америка мамлакатларига қочиб кетишди. Аргентинадан бошпана топганлар орасида, хусусан, Йозеф Менгеле ва Адольф Эйхман ҳам бор эди.
Россия ҳарбийлари Украина Қуролли кучларининг қурол заводи ва аэродромига зарба берди
Макгрегор етти йилни панжара ортида ўтказиши мумкин
Эрон ТИВ вазири: "Эрон урушга тайёр!"
