АҚШ вакиллари Жаред Кушнер ва Стив Уиткофф Москвада Владимир Путин билан Украинадаги урушни тугатиш бўйича «аниқ режалар»ни муҳокама қилди. Бу ҳақда Оқ уй маълум қилди. Таклифларнинг тафсилотлари ҳозирча ошкор этилмаган, Вашингтон уларни яқин ҳафталарда тақдим этишини билдирган.
Кремль музокараларни «фойдали» ва «конструктив» деб баҳолади. Путиннинг маслаҳатчиси Юрий Ушаковнинг айтишича, Америка томони эҳтимолий тинчлик келишуви бўйича «бир нечта ғоя»ни тақдим этган. Шу билан бирга, унинг сўзларига кўра, Путин Россия урушда ўз мақсадларига эришишига ҳануз ишонмоқда.
Москвадан сўнг Кушнер ва Уиткофф Киевга йўл олди. Улар бугун Владимир Зеленский билан учрашиши керак. Дональд Трамп аввалроқ АҚШда «тинчлик ғояси» борлигини айтган, аммо бу режа Украина томонидан Россияга ҳудудий ён беришни назарда тутадими ёки йўқми, аниқлик киритмаган.
Шаҳноза Мирзиёева Мусулмон Юнусовнинг мурожаатига муносабат билдирди
Фарғонада кўп қаватли уй "подвалида" акула боқилаётгани аниқланди
Уруш оқибатлари: Россия ғалласи Қозоғистонникини сиқиб чиқармоқда
