АҚШда қатлдан тирик қолган аёлнинг мияси шикастланган бўлиши мумкин.
Теннесси штатида ўлим жазосидан тирик қолган Криста Гейл Пайк доимий мия шикастланишига дуч келган бўлиши эҳтимоли юқори. Бу ҳақда унинг адвокатларига қатлдан олдин маслаҳат берган анестезиолог Жоэл Зивот маълум қилди.
Мутахассиснинг айтишича, Пайк ўлимга олиб келувчи препарат юборилганидан бир соатдан кўпроқ вақт ўтибгина шифохонага етказилгани мияга доимий зарар етган бўлиши мумкинлигини кўрсатади. Унинг тикланиши узоқ вақт талаб қилиши мумкин.
Қатл жараёнида юзага келган муаммолар маҳкуманинг томирлари жуда тор бўлгани ёки ишлатилган препарат сифати билан боғлиқ бўлиши мумкин.
Пайк икки марта ўлимга олиб келувчи инъекция қилинганидан кейин ҳам тирик қолган. Ҳозир у сунъий нафас олдириш аппаратига уланган ва ҳушсиз ҳолатда.
Пайк 1995 йилда 19 ёшли Коллин Слеммерни ўлдиришда айбдор деб топилган эди. У Теннессида 200 йилдан ортиқ вақт ичида қатл этилган биринчи аёл бўлиши керак эди.
Қатл белгиланган куни федерал апелляция суди жараённи вақтинча тўхтатган, аммо бир неча соатдан сўнг АҚШ Олий суди прокуратура мурожаатидан кейин бу кечиктиришни бекор қилиб, ҳукмни ижро этишга рухсат берган.
Аэропортда янги туғилган чақалоқ ва унинг онаси вафот этди
Айиқ овлаганларга пул мукофоти ваъда қилинди
13 ёшли қиз эгизак фарзандли бўлди
