АҚШ президенти Доналд Трамп Россия президенти Владимир Путин билан телефон орқали мулоқот чоғида Украинадаги ҳарбий ҳаракатларни тўхтатиш зарурлигини таъкидлаб, тинчликка эришиш учун Киев ва Европа давлатларига таъсир ўтказишга тайёрлигини билдирди. Бу ҳақда Россия президенти ёрдамчиси Юрий Ушаков маълум қилди.
"Трамп яна бир бор ҳарбий ҳаракатларни тўхтатиш зарурлигига урғу берди. У Европадаги ҳамкорлар ва Киевга, жумладан, яқинлашиб келаётган G7 саммити доирасидаги мулоқотлар чоғида ҳам таъсир ўтказишга тайёрлигини айтди", — деди Путиннинг ёрдамчиси.
Ушаковнинг сўзларига кўра, Путин суҳбат давомида, агар Украина президенти Зеленский учрашув ўтказишни истаса, уни Москвада кутишга тайёрлигини билдирган. Бироқ Зеленский ўтган йили Россия пойтахтига бориш вариантини рад этган эди.
У, шунингдек, АҚШ президентининг махсус вакили Стив Уиткофф ҳамда Трампнинг куёви Жаред Кушнернинг яқин кунларда Россияга ташриф буюришини маълум қилди. Бироқ ташриф тафсилотлари ошкор этилмади.
Ўзбекистон — Колумбия ўйини учун чипталар сотуви рекорд даражага чиқди
АҚШда ҳам тўй қилаётганлар ақлдан озмоқда
Сўнгги 140 йилдаги энг кучли Эл-Нино ҳодисаси яқинлашмоқда. Бу бутун дунёдаги об-ҳавога таъсир қилиши мумкин
