Fox News телеканалининг хабар беришича, Жей Ди Вэнс хорижий террорчилик ташкилотлари федерал ёрдам дастурлари доирасида ажратилаётган маблағлардан фойдалана олгани билан боғлиқ ҳолатлар аниқлангани бўйича баёнот берди.
"Биз бир қатор хорижий давлатлар ҳукуматлари ва халқаро террорчилик ташкилотлари ушбу ресурслар ҳисобидан бойлик орттирган бўлиши мумкинлигини тасдиқловчи ҳолатларни, шубҳасиз, қайд этдик", — деди вице-президент. Унинг аниқлик киритишича, мазкур маблағлар хусусан наркокартелларга ҳам йўналтирилган.
Шунингдек, Жей Ди Вэнс Миннесота штатидаги Medicaid тиббий ёрдам дастури билан боғлиқ фирибгарлик ишини Адлия вазирлигининг Терроризмга қарши кураш бўлимига ўтказиш ғоясини маъқуллади. Гап шундаки, фирибгарлик схемалари орқали қўлга киритилган маблағларнинг бир қисми хорижга олиб чиқиб кетилган ва АҚШда террорчи деб тан олинган ташкилотларга ўтказиб берилган бўлиши мумкин.
"Албатта, бу жуда ажойиб ғоя. Мен илгари бу ҳақда эшитмаган эдим, аммо биз бу ишни зудлик билан масъул жамоага топширамиз, чунки мазкур ҳолат бўйича айнан терроризмга қарши кураш доирасида тергов олиб борилиши зарур", — дея таъкидлади Вэнс.
Яна бир давлат Эронга махфий равишда ҳужум уюштирган
Ҳарбий қўмондонлик Путинни Россия армияси кузгача бутун Донбассни эгаллашига ишонтирди
Ўзбекистоннинг 9 та вилоятида сел хавфи эълон қилинди
