Расмий Вашингтон Венесуэла ҳукумати Николас Мадуронинг ҳимоячи адвокатлари хизмати учун ҳақ тўлаши мумкинлигини тан олди. Бу масала мазкур иш доирасида бир неча ҳафтадан бери очиқ қолаётган эди.
Нью Йорк Жанубий округи прокурори Манхеттен федерал судига топширган мактубда – АҚШ Ғазначилик департаменти лицензияларга ўзгартириш киритганини маълум қилди. Ушбу ўзгартириш – Венесуэланинг собиқ президенти Мадуро ва унинг рафиқаси Силия Флореснинг адвокатларига ўз мамлакати ҳукуматидан тўловларни қабул қилиш имконини беради.
"Воқеаларнинг бундай ривожи – судя Алвин Хеллерштейн ҳукуматдан маблағлар нима сабабдан блокланаётганини қатъий сўраган мажлисдан бир ой ўтиб юз берди. Судья ҳатто, агар Қўшма Штатлар ўз позициясини ўзгартирмаса, ишни бутунлай тугатиш масаласини кўриб чиқиши мумкинлигига шама қилганди", – дея хабар бермоқда нашр.
Николас Мадуро ва унинг рафиқаси 2026 йил 3 январ куни АҚШ кучлари томонидан ўтказилган операцияда Каракасда қўлга олинганди. Уларга Манхеттенда наркотерроризм ва кокаин контрабандасини амалга ошириш бўйича тил бириктириш, шунингдек бошқа бандлар бўйича айблов қўйилган. Мадуро ва унинг аёли ўзларини айбдор деб тан олмаган. Улар Бруклиндаги тергов ҳибсхонасида сақланяпти. Суд жараёни бир неча йил давом этиши кутилмоқда.
Эрон Исроил билан алоқа қилганлиги учун юқори лавозимли амалдорни қатл қилди
Абдуқодир Ҳусанов «Бернли»га қарши қандай ўйнади? (видео)
“Моссад” ходими Эронга қарши операциялар вақтида Исроил ташқарисида ўлдирилди
