Қирғизистон Жогорку Кенеши (парламенти) депутати Элвира Сурабалдиева Миллий хавфсизлик давлат қўмитасининг собиқ раҳбари Қамчибек Ташиев ҳақида интервью бериб, унинг ишдан кетишига давлат тўнтаришига уриниш сабаб бўлганини айтди.
"Президент Садир Жапаров бағрикенг инсон. Балки Ташиев дўсти бўлгани учун унга раҳми келаётгандир, буни аниқ билмайман. Аммо ҳозир президент учун жуда оғир давр, чунки кўп йиллик дўсти уни лавозимидан четлатишга ҳаракат қилди. Эҳтимол, Ташиевнинг ишдан бўшатилишига асосий сабаб шу бўлгандир", — деди Сурабалдиева.
Депутатнинг маълум қилишича, ушбу воқеаларга тайёргарлик узоқ вақт давом этган. Ҳозирда тергов ҳаракатлари олиб борилмоқда. Иш бўйича айрим айбланувчилар аллақачон қўлга олинган ёки тергов остида қолмоқда.
Қамчибек Ташиев 2026 йилнинг феврал ойида Қирғизистон МХДҚ раиси лавозимидан бўшатилган. Ўшанда у вазиятга муносабат билдириб, ўз истеъфосини кутмаганини айтган.
Қирғизистон президенти Садир Жапаров Ташиев энди ҳеч қачон давлат хизматига қайтмаслигини эълон қилган. Жапаров, шунингдек, Ташиевни ишдан олишини “Қирғизистон жамиятида бошбошдоқлик юзага келишининг олдини олиш” билан изоҳлаган эди.
Ушбу воқеалардан сўнг Қирғизистонда МХДҚ раисининг собиқ ўринбосари Даниел Рисалиев қўлга олинди. У Қамчибек Ташиев қўл остида ишлаган. Кейинчалик қўмитанинг яна бир собиқ ўринбосари Тимур Шабданбеков ҳам ҳибсга олингани маълум бўлди.
Кореяда вафот этган ўзбекистонлик қиз ҳақида расмий баёнот берилди
Эрон Исроил билан алоқа қилганлиги учун юқори лавозимли амалдорни қатл қилди
Zo'r TV бугун «Барселона» ва «Манчестер Сити» иштирокидаги ўйинларни жонли трансляция қилади
