"Сизларда уят йўқ!" "Реал" мухлислари "Бетис" билан ўйиндан сўнг футболчилардан норозилик билдиришди

Мадриднинг “Рeaл” клуби мухлислари Испания чемпионати 32-туридан ўрин олган “Реал Бетис”га қарши (1:1) ўйиндан норози бўлишди. Улар стадионни тарк этаётганларида футболчиларга эътироз билдиришган. Бу ҳақида El Chiringito хабар бермоқда.

Қайд этилишича, “қаймоқранглилар” мухлислари: “Сизларда уят йўқ, ўзингизни кўрсатинг!” деб бақиришган.

Алваро Арбелоа шогирдлари 90+4 дақиқада гол ўтказиб юбориб ғалабани қўлдан чиқарди.

Ла Лиганинг 32-туридан сўнг “Рeaл” 74 очко жамғарган ҳолда турнир жадвалида 2-ўринни эгаллаб турибди. Испан гранди мусобақа етакчиси “Барселона”дан нақт 8 очко ортда қолмоқда. Кейинги турда Арбелоа жамоасини “Эспаньол” га қарши ўйин кутиб турибди. Учрашув 3 май куни бўлиб ўтади.