АҚШ ва Буюк Британиянинг Ямандаги авиазарбалари натижасида тўққиз киши ҳалок бўлди

Бу ҳақда Ал Маядеен телеканалига Соғлиқни сақлаш вазирлигининг ҳусийлар ҳукуматидаги вакили Анис ал-Асбахий маълум қилди .

“Тўққиз киши ҳалок бўлди ва тўққиз нафар ярадор АҚШ ва Буюк Британиянинг душман зарбаларининг биринчи қурбони бўлди”, — дея унинг сўзларини келтиради телеканал.

Эслатиб ўтамиз, аввалроқ АҚШ президенти Доналд Трамп АҚШ Қуролли кучларига Ямандаги ҳусийларга қарши ҳарбий ҳаракатлар бошлашга буйруқ берганини маълум қилган эди . Унинг таъкидлашича, ҳарбийлар “ҳозирда” террорчилар базалари, уларнинг етакчилари ва ракетага қарши мудофаа тизимларига ҳаводан зарбалар бермоқда.