Француз нашри Le Monde ёзишича, АҚШда Дональд Трампнинг янги антимиграцион сиёсатлари туфайли, Украинадаги можаро бошлангач Америкага келган айрим украиналиклар Европага қайта бошламоқда.
«Янги АҚШ миграция сиёсати туфайли юзага келган ноаниқлик шароитида, украиналиклар энди келажаклари ҳақида ишончга эга эмас», — деб ёзади газета.
Нашрнинг таъкидлашича, украиналиклар депортация ва бошқа жазо чораларидан қўрқиб, оммавий равишда Европага кўчиб ўтишмоқда. Le Monde ёзишича, уларнинг кўпчилиги АҚШ раҳбари Дональд Трампдан ранжишган — бу унинг Украина ҳукуматини қўллаб-қувватлашдаги беқарорлиги ҳамда уруш бошлангандан кейин келган муҳожирларга нисбатан қаттиқ чоралар туфайли содир бўлган.
Бундан аввал БМТнинг Халқаро миграция ташкилоти (ХМТ) раҳбари Эми Поуп шундай деган эди: "Киев ва Москва ўртасидаги узоққа чўзилган можарога нисбатан чарчоқ ҳисси, шунингдек, Европа давлатлари ва АҚШ томонидан кўрсатилаётган ёрдам миқдорининг камайиши — Украина қочқинларига ёрдам беришга қаратилган БМТ лойиҳалари учун жиддий хавф туғдирмоқда".
Унга кўра, Дональд Трамп АҚШ президенти бўлиб сайлангандан сўнг, Вашингтон бутун дунё бўйлаб муҳожирларга ёрдам беришга қаратилган кўплаб халқаро дастурларга молиявий кўмакни тўхтатишни эълон қилди. Бу эса ХМТ ва бошқа БМТ агентликларининг маблағ етишмовчилиги билан тўқнашишига сабаб бўлди.
Қозоғистонда 1 миллионга яқин сайғоқни отишга қарор қилишди
Украина қуролли кучлари Россиядаги МиГ заводи ва ракета ишлаб чиқариш заводига зарба берди
"Германиянинг бирлашишига дарҳол рози бўлиб Горбачев хато қилган..."
