АҚШ Украинадан NATOга аъзолик эвазига Донбассдан чиқишга тайёрми, деб сўради

Украина президенти Володимир Зеленский ҳамкорлар тўлиқ хавфсизлик кафолатларини тақдим этган тақдирда, бу масалани жамият муҳокамасига олиб чиқишга тайёрлигини билдирди.

Унинг сўзларига кўра, бундай пакет NATO ва Европа Иттифоқи кафолатлари, Украина армиясини қурол-яроғ ва молия билан таъминлаш, шунингдек, мамлакатни тиклаш учун маблағ ажратишни ўз ичига олиши керак.

Шу билан бирга, Зеленский Украина ўз ҳудудларини бермаслигини ва Россия томонидан босиб олинган ҳудудларнинг унинг таркибига қўшиб олинишини тан олиш масаласи муҳокама қилинмаётганини таъкидлади.