Вашингтон маъмурияти Кубанинг айрим расмийларига, жумладан, республика президенти Мигел Диас-Канел ва икки вазирга нисбатан виза санкцияларини жорий қилди.
Бу ҳақда АҚШ давлат котиби Марко Рубио баёнотида айтилган.
Унинг сўзларига кўра, АҚШ “режимнинг асосий етакчиларини инсон ҳуқуқларини қўпол равишда бузишга алоқадорлиги учун санкциялар рўйхатига киритмоқда”.
Рубионинг таъкидлашича, бу амалдорлар орасида Диас-Канел, Куба инқилобий қуролли кучлари вазири Алваро Лопес Мьера ва ички ишлар вазири Лазаро Альберто Аьлварес Касас бор. Юқорида қайд этилган чекловлар уларнинг оила аъзоларига, шунингдек, республика адлия ва жазони ижро этиш тизими органларининг айрим ходимларига нисбатан қўлланилади. Уларнинг исмлари ва лавозимлари кўрсатилмаган. Америка томонига кўра, улар “2021 йил июлида намойишчиларнинг ноқонуний ҳибсга олиниши ва қийноқларга қўлланилиши”да иштирок этган.
Баёнотда, Қўшма Штатлар Кубадаги Вашингтоннинг Куба ҳукумати билан боғлиқ деб ҳисоблаган 11 мулкига, жумладан Гаванадаги Torre К меҳмонхонасига ҳам санкция киритаётгани таъкидланди. Мулкларнинг тўлиқ рўйхати берилмаган.
Машҳур блогер Абдурозиқ Дубай аэропортида ҳибсга олинди
Дилшод Тўрахўжаев иши: Россия Ўзбекистонга нота йўллади
Cobalt нархи Россияда қанча?
