АҚШ Европа давлатларига Россия активларининг бир қисмини Вашингтон назоратига ўтказишни таклиф қилди

Financial Times нашри манбаларга таяниб хабар беришича, АҚШ Европа давлатларига Россиянинг музлатилган активларининг бир қисмини муздан чиқариб, Вашингтон бошқарадиган тузилмага ўтказишни таклиф қилган.

Нашр малумотига кўра, бу таклифни АҚШ президентининг махсус вакиллари Стив Уиткофф ва Жаред Кушнер Майамидаги учрашувда билдирган. Унда Украина, Франция, Германия, Буюк Британия, Европа Иттифоқи ва НАТО вакиллари иштирок этган.

Россия активларини АҚШ назоратига ўтказиш масаласи кенг қамровли тинчлик келишувининг бир қисми сифатида муҳокама қилинган. Бироқ Европа дипломатлари бу таклифни рад этган.