АҚШ Энергетика вазири ядро хавфсизлиги мутахассисларини адашиб ишдан бўшатиб юборди

АҚШ Энергетика вазири Крис Райт ядро хавфсизлиги бўйича ўта муҳим мутахассисларни янглишиб ишдан бўшатиб юборганини тан олди.

"Бу тўлиқ менинг айбим. Лавозимга тасдиқланганимдан кейинги биринчи ҳафтадаёқ "вақтинчалик ходимлар" атамаси пайдо бўлди. Мен буни нотўғри тушундим ва бу 100 фоиз менинг хатом", — дея унинг сўзларидан иқтибос келтирмоқда РИА Новости.

Унинг сўзларига кўра, ишдан бўшатилганлар вазирликда кўп йиллар давомида фаолият юритган, бироқ яқиндагина янги лавозимларга тайинланган инсонлар бўлган. Райтнинг аниқлик киритишича, якунда икки кишидан ташқари барча мутахассислар ишга қайтган.