АҚШ Давлат департаменти бутун дунё бўйлаб барча Америка элчихоналари ва дипломатик ваколатхоналарига хавфсизлик ҳолатини дарҳол баҳолаш ва Эронга қарши АҚШ-Исроил ҳарбий операциясидан кейин қўшимча чораларни кўриб чиқишни буюрди.
Бу ҳақда The Washington Post нашри АҚШ Давлат департаментининг ички ёзишмаларига таяниб хабар берди.
Буйруқ "Яқин Шарқдаги ҳозирги ва ўзгариб бораётган вазият ва унинг потенциал оқибатлари" билан боғлиқ.
Нашрнинг хабар беришича, АҚШ Давлат котиби Марко Рубио дипломатик ваколатхоналарга потенциал таҳдидларни аниқлаш ва жавоб режаларини тайёрлаш учун махсус гуруҳлар тузишни буюрган.
Сўнгги ҳафталарда шунга ўхшаш кўрсатмалар фақат Яқин Шарқдаги АҚШ дипломатик ваколатхоналарига берилгани хабар қилинган. Энди буйруқ бутун дунё бўйлаб барча АҚШ элчихоналарига татбиқ этилди.
Нашр таъкидлашича, бу бутун дунё бўйлаб барча АҚШ дипломатик ваколатхоналарига Эрондаги уруш билан боғлиқ хавфсизлик чораларини кўриб чиқиш буюрилган биринчи ҳолат.
Эрон мусулмон давлатларига чақириқ билан чиқди
Эрондаги вазиятдан Марказий Осиёда энг кўп Тожикистон қийналиши мумкин
Эрон Исроилга ўта оғир баллистик ракеталар билан кучли ҳужум уюштирди
