АҚШ армияси Эроннинг Харг оролидаги барча ҳарбий нишонларни йўқ қилди – Доналд Трамп

АҚШ президенти буни “Яқин Шарқ тарихидаги энг кучли бомбардимонлардан бири” деб атади.

"Мен оролдаги нефт инфратузилмасини йўқ қилмасликка қарор қилдим. Бироқ Эрон ёки бошқа томон Ҳўрмуз бўғози орқали кемаларнинг эркин ва хавфсиз ҳаракатига тўсқинлик қилса, бу қарор қайта кўриб чиқилиши мумкин", — деди Трамп.

Шунингдек, Оқ уй раҳбари Эрон АҚШ ҳужумлари учун танланган объектларни ҳимоя қила олмаслигини таъкидлади.

Маълумот учун, Харг ороли Эрон учун стратегик аҳамиятга эга бўлиб, у орқали мамлакат нефт экспортининг 90 фоизи ўтади.