АҚШ ҳукумати 40 дан ортиқ давлатни Хитойдан келадиган товарларга нисбатан жорий этилган Америка божларини четлаб ўтишга ёрдам берганликда айблади. Бу ҳақда Оқ уй сайтида эълон қилинган ҳисоботда сўз боради.
Ҳужжатда қайд этилишича, Канада, Мексика ва Япония ҳам кирган ўнлаб давлатлар Хитойда ишлаб чиқарилган маҳсулотларни қайта маркалаш жараёнида иштирок этган. Натижада товарлар гўёки Хитойда эмас, бошқа мамлакатларда ишлаб чиқарилгандек кўрсатилган.
АҚШ расмийларининг фикрича, Хитой маҳсулотлари хорижий давлатларда минимал даражада қайта ишланган, шундан сўнг янги ном ва келиб чиқиш маълумотлари билан Америка бозорига экспорт қилинган.
Шу йўл билан етказиб берувчилар Вашингтон томонидан Хитой товарларига нисбатан жорий этилган юқори бож ставкаларини тўлашдан қочишга уринган.
«Бож ставкалари нисбатан паст бўлган мамлакатлар АҚШ божларини тўлашдан қочишга қаратилган янги тизим учун бошланғич майдон ва марказга айланди», — дейилади Оқ уй ҳисоботида.
Роналдунинг тўйида онаси қатнашмади
Мен Хитой-Қирғизистон-Ўзбекистон темир йўли қурилиши учун Путиннинг розилигини олганман – Садир Жапаров
Жиззахда бир суткада 2 та ЙТҲда 5 киши ҳалок бўлди
