Шотландия Буюк Британия ҳукуматининг инглиз якка солодли вискисига ҳимояланган географик кўрсаткич мақомини бериш тўғрисидаги қароридан норозилигини билдирди.
Маҳаллий шотланд виски ишлаб чиқарувчилари вазиятни Британия ҳукумати амалдорлари билан муҳокама қилиш ниятида.
Шотландия, Уэльс ва Ирландия вискиларига ўхшаш мақом ўтган ҳафта инглиз вискисига берилди.
Glenmorangie, Johnnie Walker ва Diageo каби тахминан 90 та компанияни ифодаловчи Шотланд Виски Ассоциацияси (SWA) инглиз вискиси учун камроқ қатъий талаблар белгиланган деб ҳисоблайди. Хусусан, инглиз якка солодли вискисини ишлаб чиқаришда маълум босқичлар асосий дистиллаш заводидан ташқарида амалга оширилиши мумкин. Бироқ, Шотланд якка солодли вискисини ишлаб чиқариш қоидаларида эзиш, ферментация ва дистиллаш Шотландиядаги битта дистиллаш заводида амалга оширилиши кераклиги белгиланган.
Газета бу низони Лондон ва Эдинбург ўртасидаги "виски уруши" деб атади. Газетанинг таъкидлашича, бу Британия ҳукумати ва Шотландия, Уэльс ва Шимолий Ирландия ўртасидаги сиёсий келишмовчиликлар давом этаётган бир пайтда авж олди, улар душанба куни ўзаро англашув меморандумини имзоладилар. Ҳужжатда минтақаларнинг ўз тақдирини ўзи белгилаш ҳуқуқи мустаҳкамланган. Буюк Британия Бош вазири Энди Бернемнинг идораси мамлакатдан чиқиб кетиш бўйича референдумлар ўтказиш имкониятини рад этди.
«Вафот этган» Бибимарям тирик экани тасдиқланди — Face ID ишга тушди
Буқа 300 минг долларга сотилди
Никоҳ ёшига етмаганларга фақатгина иккита узрли сабаб билан оила қуришга рухсат берилади
