151 нафар мансабдор лавозимидан олинди

Мурожаатлар билан ишлашда камчиликка йўл қўйган 151 нафар мансабдор лавозимидан олинди.

Президент Халқ қабулхоналари маълумотига кўра, 2026 йил январь–август ойларида аҳоли мурожаатлари билан ишлашдаги камчиликлар юзасидан давлат ташкилотларига 5 486 та ҳужжат киритилган.

Натижада:
🔹 151 нафар шахс лавозимидан озод этилган;
🔹 833 нафар ходимга ҳайфсан берилган;
🔹 150 нафар маъмурий жавобгарликка тортилган;
🔹 89 нафар жаримага тортилган;
🔹 8 нафарнинг лавозими пасайтирилган;
🔹 1 335 нафар расман огоҳлантирилган.

Энг кўп камчиликлар бандлик, маҳалла, МИБ, соғлиқни сақлаш, прокуратура, ижтимоий ҳимоя ва энергетика соҳаларида аниқланган.