Андижон вилояти ветеринария ва чорвачиликни ривожлантириш бошқармасига кўра, вилоятда эпизодик вазият барқарор. Касалликка гумон қилинган қорамоллар назоратга олиниб, таҳлил текширувлари ўтказилмоқда.
Андижонда қорамолларда янги касаллик тури аниқлангани рад этилди
calendar
07:55
448
Андижон вилояти ветеринария ва чорвачиликни ривожлантириш бошқармасига кўра, вилоятда эпизодик вазият барқарор. Касалликка гумон қилинган қорамоллар назоратга олиниб, таҳлил текширувлари ўтказилмоқда.
Фото: Kun.uz
Ижтимоий тармоқларда қорамолларда янги касаллик учраётгани ва Андижондаги қорамол ва чорва бозорлари тозалов учун ёпилгани ҳақида хабарлар тарқалди. Вилоят ҳокимлиги мазкур хабарларга муносабат билдирди.
Андижон вилояти ветеринария ва чорвачиликни ривожлантириш бошқармаси бошлиғи Дилмурод Қаюмовнинг таъкидлашича, вилоятдаги қорамолларда янги касаллик тури аниқланмаган.
«Бугунги кунда вилоятимизда эпизодик вазият барқарор. Барча туман ва шаҳарларимизда штаблар ташкил қилинган, доимий фаолият юритиб келмоқда. Бундан ташқари, ҳайвон бозорлари ветеринария мутахассислари томонидан назоратга олинган. Деҳқон бозорларида гўшт ва гўшт маҳсулотлари тўлиқ ветеринария назорати остида истеъмолга чиқарилмоқда», дея маълум қилган бошқарма бошлиғи.
Қўшимча қилинишича, касалликка гумон қилинган қорамоллар назоратга олиниб, таҳлил текширувлари ўтказилмоқда, унинг натижалари бўйича ахборот берилади.
Аввалроқ Ветеринария ва чорвачиликни ривожлантириш қўмитаси Жиззах вилоятида икки киши куйдирги касаллигига чалинганлиги ҳақидага хабарларга муносабат билдириб, намуналар текширувлардан ўтказилганда касаллик қўзғатувчиси аниқланмаганлигини маълум қилганди.
Мактабларда кузги таътил вақти эълон қилинди
Келгуси ҳафтада ҳарорат яна пасаяди
Тоғли ҳудудларда кучли ёғингарчилик кузатилиши мумкин – Ўзгидромет
