Уч фарзанд учун алимент тўламай юрган ота қарзини “Lacetti” билан ёпди.
Фуқаролик ишлари бўйича Бўз туманлараро судининг ижро ҳужжатига асосан Ш.О. уч нафар вояга етмаган фарзанди таъминоти учун М.Қ. фойдасига алимент тўлаши керак эди.
Бироқ, у белгиланган мажбуриятларни бажармай, қарздорлик 139 млн сўмдан ошган.
Огоҳлантиришларга қарамай қарз тўланмагани сабабли, қарздорга нисбатан жавобгарлик масаласини ҳал этиш учун иш ҳужжатлари жиноят ишлари бўйича Улуғнор туман судига юборилган.
Суд жараёнида қарздор алимент қарзи ўрнига ўзининг “Lacetti” русумли автомашинасини беришини таклиф қилди. Ундирувчи М.Қ. 139 млн сўм алимент қарзлари ўрнига ушбу машинани қабул қилишга розилик билдирди.
Натижада, алимент қарзи тўлиқ қопланди, қарздор жавобгарликдан озод этилди.
Даҳшат! Эрон биринчи марта замонавий вертикал ракеталардан фойдаланмоқда
Ута Абе Диёра Келдиёровага "вызов" ташлади
Ниҳоят! Араб давлатлари Эрон — Исроил уруши борасида "тилга кирди"
