Анчелотти "Реал" хўжайинига ёзда сотиб олиниши керак бўлган тўрт футболчини айтди

Мадриднинг "Реал" клуби раҳбарияти жамоа бош мураббийи Карло Анчелоттидан ёзда "қаймоқлилар" сотиб олиши керак бўлган футболчилар борасида фикрини сўради. Бу ҳақда Sport.es хабар бермоқда.

Манбанинг хабарига кўра, италиялик мутахассис ҳимоя ва ярим ҳимоя позицияларини кучайтириш зарурлигини таъкидламоқда. Анчелотти Англия чемпионатида ўйнаётган тўрт футболчини номини айтди: Вильям Салиба ("Арсенал"), Мануэль Аканжи ("Манчестер Сити"), Алексис Мак Аллистер ("Ливерпуль") ва Сандро Тонали ("Ньюкасл").

Шу билан бирга, таъкидланишича, янги футболчиларни сотиб олиш бўйича якуний қарорни "Реал" президенти Флорентино Перес, клуб бош директори Хосе Анхель Санчес ва "қаймоқлилар"нинг бош скаути Юни Калафат қабул қилади.