Анчелотти қолса, "Реал" футболчиси кетмоқчи

Агар бош мураббий Карло Анчелотти келаси мавсумда жамоада қолса, туркиялик ярим ҳимоячи Арда Гюлер "Реал"ни тарк этиши мумкин.

Хабарга кўра, бу ҳақда 20 ёшли футболчи "қироллик" клуби президенти Флорентино Перес билан суҳбатда айтиб ўтган. Гюлер Анчелотти берган ўйин вақтидан мамнун эмас.

Жорий мавсумда Арда "Лос Бланкос" сафида 34 та ўйинда қатнашди ва кўпинча захирадан майдонга тушди. Турк футболчиси учта гол урди ва олтита голли узатмани амалга оширди. Ярим ҳимоячи ва мадридликлар ўртасидаги амалдаги шартнома 2029 йилнинг ёзида якунига этади.