Мадриднинг “Реал” клуби бош мураббийи Карло Анчелотти жамоасининг ўйинини яхшилаш устида ишламоқда. Diario AS нашрининг хабарига кўра, Анчелотти “Атлетик Бильбао”га қарши баҳсда қўллаган 4–4–2 схемасини (ромб шаклидаги ярим ҳимоя) яна синаб кўрмоқчи.
Бу ҳолатда ҳужум чизиғида Винисиус Жуниор ва Килиан Мбаппе жуфтлиги ҳаракат қилади, Родриго эса ўйинни захирадан бошлаши кутилмоқда. Мадрид клуби Испания Ла Лигасининг сўнгги баҳсида “Атлетик”ка қарши шу тактик схемада ҳаракат қилди ва анча ишончли ўйин кўрсатди. Шу боис италиялик мутахассис “Барселона”га қарши учрашувда ҳам шу услубда ўйнашни мақсад қилган.
Клуб 26 апрель, шанба куни “қироллик клуби” Испания Кубоги финалида “Барселона”га қарши баҳс олиб боради. Ушбу беллашув олдидан “Реал” Ла Лига доирасида “Хетафе”га қарши ўйин ўтказади. Айнан шу учрашув сўнгги тайёргарлик вазифасини ўтаб бериши кутилмоқда.
Ҳозирда “Реал” 69 очко билан Испания чемпионатида иккинчи ўринни эгаллаб турибди. Клуб етакчи “Барселона”дан тўрт очкога ортда қолмоқда.
Ортиқхўжаев янги лавозимда иш бошлагани айтилмоқда
АПЛ. «Саутгемптон» - «Манчестер Сити». Ҳусанов бугунги баҳсда иштирок этмайди
"Реал"да кутилмаган қарор! Анчелотти "Барса"га қарши Арда Гюлерни асосий таркибда туширади
