Америкалик қўшиқчи Тейлор Свифт Нью-Йорк шаҳар ҳукуматига Трэвис Келси билан Мэдисон-сквер-гарденда тўйини ўтказиш учун рухсатнома олиш учун 160 000 доллардан ортиқ пул тўлади.
Бу ҳақда Нью-Йорк шаҳар мери Зоҳран Мамдани матбуот анжуманида маълум қилди.
Хонандага тақдим этилган рухсатнома кўчаларни ёпиш, қўшимча полиция ходимлари, тўй жойи атрофидаги ҳудудда тўсиқлар ўрнатиш ва бошқа кўп нарсаларни ўз ичига олган. Тўловга полиция ходимларининг қўшимча иш ҳақи ҳам киритилган.
Журналистлар Тейлор Свифт полиция ходимларига қўшимча иш вақти учун пул тўлайдими, деган саволга жаноб Мамдани: "Тейлор Свифт тўлайди... ва рухсатнома нархини, яъни 160 000 доллардан ортиқ пулни тўлаган", деб жавоб берди. Унинг қўшимча қилишича, рухсатнома тўйдан бир неча кун олдин берилган.
Тейлор Свифт ва Трэвис Келсининг тўйи 2-3 июль кунлари Мэдисон-сквер-гарденда ўта махфийлик шароитида бўлиб ўтди. Биринчи куни 100 меҳмон учун тушлик уюштирилди. Иккинчи куни юлдузлар ва таниқли шахсларни ўз ичига олган тахминан 1000 та таклиф қилинган меҳмонлар ташриф буюришди. ОАВ маълумотларига кўра, бутун байрам 30-50 миллион доллар атрофида бўлган.
АҚШ элчиси дунё бошқарувини яҳудийларга бериш таклифи билан чиқди
Туркия Исроилга жавоб зарбасини режалаштирмоқдами?
“Ислом НАТО”сига қўшилишни хоҳловчилар кўпаймоқда
