Александр-Арнольд "Реал"дан 20 миллион евро олди

Мадриднинг "Реал" клуби янги аъзоси Трент Александр-Арнольд "қироллик клуби"дан 20 миллион евро миқдорида бонус олди. Бу ҳақда Mundo Deportivo журналистлари хабар бермоқда.

"Ливерпуль" тарбияланувчисининг Мадрид грандига ўтиши ҳақида 30 май куни эълон қилинган эди. Трент "қаймоқранглилар" билан 2031 йил ёзигача мўлжалланган узоқ муддатли шартнома имзолади. Александр-Арнольд Мадрид жамоасига клублар ўртасидаги бўлажак жаҳон чемпионатида ёрдам бера олади.

Трент "Ливерпуль" сафида 2016 йилдан буён тўп тепиб келаётганди. Мерсисайд клуби либосида ҳимоячи 354 та ўйин ўтказиб, 23 та гол ва 92 та голли узатмани ўз ҳисобига ёздириб қўйган.