Агар сулҳга эришиш жараёнида тараққиёт кузатилмаса, президент Трамп тинчликка эришиш уринишларини тўхтатади — АҚШ Давлат котиби

"Биз бу ташаббусни ҳафталар ёки ойлар мобайнида давом эттирмоқчи эмасмиз. Шунинг учун тезда, яъни бир неча кун ичида келишувга яқин ҳафталарда эришиш мумкин ёки йўқлигига аниқлик киритишимиз шарт. Агар мумкин бўлса, ҳаракатни давом эттирамиз. Агар йўқ бўлса, бизда бошқа устувор вазифалар бор", — дея фикр билдирди Марко Рубио Парижда Европа етакчилари билан учрашувдан сўнг.

Доналд Трамп сайловолди кампанияси чоғида президентликка келганининг биринчи кунидаёқ Украинадаги урушни тугатишга ваъда берган эди. Бироқ у Оқ уйга қайтгач, Украинада тинчликка апрел ёки май ойларида эришиш мумкинлигини билдирган эди.