Афғонистоннинг Нангарҳор вилоятида ИШИДнинг 80 нафар аъзоси “Толибон” ҳаракатининг хавфсизлик кучларига таслим бўлди. Бу ҳақда бугун Pajhwok агентлиги хабар тарқтади.
Қайд этилишича, жангариларнинг таслим бўлиши оқсоқолларининг аралашуви билан юз берган. Агентлик хабарида тафсилотлар келтирилмаган.
Охирги уч ой ичида Афғонистоннинг бир қанча вилоятларида, жумладан, пойтахт вилоятида бирданига бир нечта портлашлар, қуролли ҳужумлар ва отишмалар содир бўлди. Мазкур ҳодисаларда ҳам “Толибон”, ҳам маҳаллий аҳоли вакиллари ҳалок бўлди. Терактларни ИШИД ўз зиммасига олди.
