Москванинг “ЦСКА” клуби ярим ҳимоячиси Аббосбек Файзуллаевга Туркиянинг гранд жамоаси – “Галатасарой” қизиқиш билдирмоқда. Бу ҳақида Маркаж News нашри хабар бермоқда.
Манбага кўра, “Галатасарай” Файзуллаев трансфери бўйича жиддий қизиқиш билдирмоқда. Турк клуби ҳозирда ўзбекистонлик футболчининг атрофидаги вазиятни кузатиб турибди.
21 ёшли футболчи ушбу мавсумда “ЦСКА”нинг муҳим футболчиларидан бири бўлиш баробарида, Ўзбекистон терма жамоаси сафида ҳам асосий ўйинчилардан бири саналади.
Аввалроқ футболчига Германиянинг “Бавария” клуби қизиқиш билдиргани ҳақида хабарлар тарқалган эди.
Жорий мавсум Аббосбек Россия Премьер Лигасида 19 ўйин ўтказиб, 2 гол ва 3 ассист муаллифига айланган. Унинг “ЦСКА” билан амалдаги шартномаси 2026 йилнинг июнь ойига қадар мўлжалланган. Файзуллаев Ўзбекистоннинг Жаҳон чемпионати саралашидаги учрашувларида 4 гол уриб, жамоанинг энг яхши тўпурари бўлиб турибди.
Криштиану Роналду мусулмон аҳлига мурожаат йўллади
Хосеп Гвардиола ўзбекистонлик ҳимоячи Абдуқодир Ҳусанов ҳақида фикр билдирди
Шомуродов яна асосий ҳужумчига айланади!
