UzAuto Motors Chevrolet Cobalt учун контрактацияни очади. Бу ҳақда компания матбуот хизмати хабар берди.
Таъкидланишича, Cobalt автомобилларига бўлган юқори талаб ҳамда мижозлар мурожаатлари асосида контрактация жараёни барча комплектациялар учун очилади.
Шартномаларни 28 апрель соат 10:00 дан бошлаб uzavtosavdo.uz сайти орқали онлайн ёки Chevrolet расмий дилерлик маркази орқали расмийлаштириш мумкин.
Телеграм-бот ҳамда УзАвтоСавдо (iOS/Android) мобил иловаси орқали навбатни кузатиш ва мавжуд автомобиллар ҳақида маълумот олиш имконияти мавжуд.
Автомобиль ишлаб чиқарувчиси тузилган шартномалар учун 7 кун ичида тўлов қилиниши кераклигини эслатди. Қўшимча қилинишича, тузилган шартномаларда махсус ҚР-код мавжуд бўлиши шартноманинг ҳақиқийлигини тасдиқлайди.
“Бундай ҚР-кодга эга бўлмаган шартномаларга UzAuto Motors ва Chevrolet расмий дилерлари алоқадор эмас. Мижозлардан диққатли бўлишларини ва шартнома тузишда доимо ушбу ҚР-код мавжудлигини текширишларини сўраймиз”, — дейилади хабарда.
Кореяда вафот этган ўзбекистонлик қиз ҳақида расмий баёнот берилди
Эрон Исроил билан алоқа қилганлиги учун юқори лавозимли амалдорни қатл қилди
“Катта жарималар бўлади”: Солиқ қўмитаси раиси умумий овқатланиш корхоналарини бизнесни бўлмасликка чақирди
