Калифорния фуқароларининг 44 фоизидан ортиғи Вашингтон маъмуриятидан мустақиллик ва унинг алоҳида штат сифатида шаклланиши тарафдори.
Бу ҳақда Newsweek журнали YouGov жамоатчилик фикрини ўрганиш институти томонидан ўтказилган сўров натижаларига таяниб хабар бермоқда.
"Калифорнияликлар ўз-ўзини бошқаришга тайёр ва прагматик ечимларга эътибор қаратишган", деб изоҳ берди АҚШнинг 31-штати мустақиллиги масаласини ўрганувчи тадқиқот маркази - Independent California Institute (ICI) раиси ўринбосари.
Марказ бош директори, шунингдек, сўров натижалари штат аҳолисининг мустақилликка бўлган юқори кайфиятини кўрсатаётганини ҳам қўшимча қилди.
Сўров 11 июндан 23 июнга қадар штат губернатори ва АҚШ президенти маъмурияти ўртасидаги зиддият фонида ўтказилди.
Эслатиб ўтамиз, 6 июнь куни Лос-Анжелесда ноқонуний муҳожирларни оммавий ҳибсга олиш бошланди; 7 июнь кечки пайтгача камида 44 киши иммиграция қонунчилигини бузганликда айбланиб, ҳибсда эди. Ҳуқуқ-тартибот идораларининг ҳаракатларига жавобан шаҳарда намойишлар бошланиб, тартибсизликларга айланган. Бунга жавобан АҚШ президенти Дональд Трамп Калифорния губернатори Гевин Ньюсомни четлаб ўтиб, тартибсизликларни бостириш учун Миллий гвардияни Лос-Анжелесга жўнатишни буюрди. Шундан сўнг Ньювсом Трампга қарши судга мурожаат қилди.
Тошкентда андижонлик "доставкачи" йигитни зўрлаган 2 нафар аёл қамалди
Аёлларнинг пенсия ёши яна 6 ойга оширилди
Қирғизистонда фавқулодда ҳолат эълон қилинди
