АҚШ президенти Дональд Трамп ва миллиардер Илон Маск ўртасидаги низо яна кескинлашди. Сешанба, 1 июль куни Трамп электромобиль ишлаб чиқарувчи Tesla ва Маскка тегишли бошқа компанияларга берилган давлат субсидияларини текшириш мумкинлиги ҳақида огоҳлантирди, деп ёзади DW.
Бу Илон Маскнинг президент илгари сурган, ҳозирда АҚШ Сенатида тўхтаб турган янги солиқ-бюджет қонунига қарши яна бир кескин баёнотидан кейин содир бўлди.
«Эҳтимол, DOGE деб номланган самарадорлик агентлиги Маск компанияларига кўрсатилаётган давлат ёрдамини диққат билан ўрганиб чиқиши керакдир. Илон эҳтимол, тарихдаги энг кўп субсидия олган инсон бўлиши мумкин. Агар бу ёрдам бўлмаганида, у ўз бизнесини ёпиб, Жанубий Африкага қайтишга мажбур бўларди. Ҳеч қандай ракета учириш, сунъий йўлдош ёки электромобиль ишлаб чиқариш бўлмас эди. Мамлакатимиз эса бойликни тежаган бўларди», – деб ёзди Трамп ўзининг Truth Social платформасида.
Жанубий Африкада туғилган Илон Маскнинг бизнес империясига Tesla компаниясидан ташқари, SpaceX фазовий компанияси ва Starlink сунъий йўлдошли алоқа тизими ҳам киради.
Тошкентда андижонлик "доставкачи" йигитни зўрлаган 2 нафар аёл қамалди
Аёлларнинг пенсия ёши яна 6 ойга оширилди
Қирғизистонда фавқулодда ҳолат эълон қилинди
