Ukraina va Turkiya prezidentlari Vladimir Zelenskiy va Rajab Toyyib Erdog‘an telefon orqali Eron atrofidagi vaziyatni, shuningdek, Kiyevni havo hujumidan mudofaa va energetika sohalarida qo‘llab-quvvatlashni muhokama qilishdi.
Zelenskiy bu haqda o‘zining Telegram-kanalida ma’lum qildi.
"Biz Turkiya prezidenti Rajab Toyyib Erdog‘an bilan Eron atrofidagi vaziyatni muhokama qildik. Biz urushning avj olishiga yo‘l qo‘ymaslik va odamlar hayotini himoya qilish uchun tajribamiz bilan o‘rtoqlashishga tayyormiz, ammo shu bilan birga Ukraina havo hujumidan mudofaa tizimini mustahkamlashi kerak va biz sheriklarimizdan tegishli yordamga umid qilamiz", deb yozgan u.
Erdog‘an Turkiya uch tomonlama muzokaralarning keyingi bosqichiga mezbonlik qilishga tayyorligini e’lon qildi.
"Men Prezident Erdog‘anga Ukraina suvereniteti va hududiy yaxlitligini qo‘llab-quvvatlagani, Turkiyaning "Istaklar koalisiyasi" doirasida dengiz xavfsizligini ta’minlashda rol o‘ynashga tayyorligi va Ukraina energetika sektorini qo‘llab-quvvatlash bo‘yicha kelajakdagi qarorlari uchun minnatdorchilik bildiraman", deb qo‘shimcha qildi Zelenskiy.
AQSh Eron neft eksportining 90 foizini nazorat qiluvchi Xark orolini egallashni rejalashtirmoqda
Eronning yangi oliy rahbari saylandi, ammo...
Ko‘rfazda AQSh uchun noxush vaziyat
