Zelenskiy: "Ular vaqtincha ishg‘ol qilingan va hech qachon rus bo‘lib qolmaydi"

Ukraina Rossiya bilan armiya va iqtisodiy xavfsizlik kafolatlariga oid masalalarni muhokama qilmoqchi emas.

Bu haqda Ukraina prezidenti Vladimir Zelenskiy finlyandiyalik hamkasbi Aleksandr Stubb bilan bo‘lib o‘tgan matbuot anjumanida ma’lum qildi.

"Men ular bilan armiyamiz qanday bo‘lishi kerakligini muhokama qilmoqchi emasman, chunki bu ukrainaliklar uchun xavfsizlik kafolatlarining bir qismi. Men ular bilan iqtisodiy xavfsizlik kafolatlarini ham muhokama qilmoqchi emasman, bu yerda Yevropa Ittifoqi Ukraina uchun asosiy iqtisodiy xavfsizlik kafolati hisoblanadi", - dedi Zelenskiy.

Prezident, shuningdek, Ukrainaning vaqtincha bosib olingan hududlari ukrainalik bo‘lib qolishini ma’lum qildi.

"U yerlar vaqtincha ishg‘ol qilingan va hech qachon rus bo‘lib qolmaydi" - deb hisoblaydi Zelenskiy.