Zelenskiy: “Ukrainada Belarus diasporasi bilan ishlash bo‘yicha maxsus vakil bo‘ladi”

Ukraina Prezidenti Vladimir Zelenskiy diplomatik korpusda kadrlar o‘zgarishi va Yevropadagi Belarus va Belarus diasporasi uchun maxsus vakil tayinlanishini e’lon qildi.

Ukraina rahbari bu haqda o‘zining ijtimoiy tarmoqdagi sahifasida ma’lum qildi.

“Biz Yevropada va boshqa joylarda diplomatik ishning ayrim yo‘nalishlarini kuchaytirishga tayyorgarlik ko‘rmoqdamiz. Ukraina manfaatlari rasmiy darajada va hozirda erkinlikdan mahrum bo‘lgan yoki Rossiya ta’siri ostida bo‘lgan mamlakatlardagi jamoalar bilan muloqotda ifodalanishi kerak”, dedi u kechki videomurojaatida.

Shu munosabat bilan, Zelenskiy diplomatik korpusda kadrlar o‘zgarishi bo‘lishini ta’kidladi.

“Tashqi ishlar vazirligi shuningdek, Belarus va Yevropadagi Belarus hamjamiyati uchun maxsus vakil tayinlanishi uchun nomzodlarni tayyorlamoqda”, dedi Zelenskiy.