Zelenskiy Ukraina ishtirokisiz AQSH-Rossiya muzokaralarini xavfli deb atadi

AQSh va Rossiya o‘rtasida Ukraina tomoni ishtirokisiz tinchlik muzokaralari o‘ta xavfli bo‘lishi mumkin. Bu haqda Ukraina prezidenti Vladimir Zelenskiy Associated Press agentligiga bergan intervyusida ma’lum qildi .

"Ularning o‘z munosabatlari bo‘lishi mumkin, ammo bizsiz Ukraina haqida gapirish hamma uchun xavfli", - dedi davlat rahbari.

Zelenskiyning ta’kidlashicha, uning idorasi allaqachon AQSh prezidenti Donald Tramp ma’muriyati bilan aloqada , biroq barcha muhokamalar “umumiy darajada” o‘tmoqda. Uning so‘zlariga ko‘ra, shaxsiy uchrashuvlarda batafsilroq kelishuvlarga erishish mumkin.