Zelenskiy: "Ukraina Alyaskadagi Rossiya-AQSh sammiti natijalarini tan olmaydi"

Ukraina Alyaskadagi Rossiya-AQSh sammitining uning ishtirokisiz qabul qilingan qarorlarini tan olmaydi.

Bu haqda Ukraina prezidenti Vladimir Zelenskiy "Yoshlar shu yerda" forumida aytib o‘tdi.

"Ukraina haqida Ukrainasiz gapirish mumkin emas va buni hech kim qabul qilmaydi. Shuning uchun suhbat ularning ikki tomonlama yo‘li uchun muhim bo‘lishi mumkin, ammo ular bizsiz Ukraina haqida hech narsani qabul qila olmaydi. Umid qilamanki, AQSh prezidenti buni tushunadi va inobatga oladi", - deya ta’kidladi u.

Avvalroq AQSh prezidenti Donald Tramp Rossiya prezidenti Vladimir Putin bilan 15 avgust kuni Alyaskada uchrashish rejalari haqida ma’lum qilgandi. Bu muzokaralarni Rossiya prezidenti yordamchisi Yuriy Ushakov ham tasdiqlab, yetakchilar Rossiya-Ukraina mojarosini uzoq muddatli tinch yo‘l bilan hal qilish variantlarini muhokama qilishga e’tibor qaratishini ta’kidlagan edi.