Bu suhbat AQShning Ukrainaga qurol yetkazib berishni vaqtincha to‘xtatishi va Trampning Putin bilan telefon orqali muloqotidan so‘ng sodir bo‘ldi.
Ukraina prezidenti Vladimir Zelenskiy AQSh prezidenti Donald Tramp bilan telefon orqali suhbatlashdi. Bu haqda u ijtimoiy tarmoqdagi sahifasida xabar berdi.
Zelenskiy Trampni AQSh mustaqillik kuni bilan tabriklab, Ukrainaga ko‘rsatilayotgan yordam uchun minnatdorlik bildirdi. Uning so‘zlariga ko‘ra, bu yordam "Ukraina mustaqilligini himoya qilish va insonlar hayotini saqlab qolishga yordam berayapti".
Suhbat chog‘ida ikki tomon frontdagi vaziyat va Rossiyaning so‘nggi zarbalari oqibatlarini muhokama qildi. Zelenskiy havodan himoyani kuchaytirish zarurligini ta’kidlab, shu yo‘nalishda hamkorlik qilish bo‘yicha kelishuvga erishilganini bildirdi.
Shuningdek, suhbatda bespilotnik texnologiyalari sohasida AQSh bilan qo‘shma mudofaa ishlab chiqarish loyihalari muhokama qilindi. Zelenskiy AQSh bilan to‘g‘ridan-to‘g‘ri sanoat va investisiya loyihalariga ham tayyor ekanini aytdi.
Suhbatda qurol-yarog‘ xaridi, mudofaa sanoatini rivojlantirish va xalqaro diplomatik hamkorlik masalalari ham ko‘tarildi. Zelenskiy Amerika tomonining tinchlik yo‘lidagi takliflarini qo‘llab-quvvatlab, adolatli kelishuvga erishish zarurligini ta’kidladi.
Ushbu suhbat Trampning Rossiya prezidenti Vladimir Putin bilan "hafsalasi pir bo‘lgan" muloqotidan bir kun o‘tib amalga oshdi. Shu paytda Kiyev AQSh qurollari yetkazib berishda to‘xtalib qolgan holatga duch keldi — Pentagon ma’lumotiga ko‘ra, qurol eksporti vaqtincha bir necha mamlakatlar, jumladan Ukraina uchun ham to‘xtatilgan.
Qozog‘istonda 1 millionga yaqin sayg‘oqni otishga qaror qilishdi
Xitoy Eronning havo mudofaa tizimini qayta qurmoqda
Sud Karlo Anchelottini bir yil qamoq jazosiga hukm qildi
