Ukraina prezidenti Volodimir Zelenskiy Kiyevda o‘tkazilgan xalqaro sanksiyalar konferensiyasida Rossiya qurollarida xorijiy mamlakatlar sanoatiga tegishli komponentlar mavjudligini ta’kidladi.
Uning so‘zlariga ko‘ra, so‘nggi bir yilda Rossiya Ukrainaga qarshi ishlatgan raketa va dronlarida kamida 12 davlat – xususan, Fransiya, Germaniya, AQSH, Xitoy, Tayvan, Janubiy Koreya, Yaponiya va Italiyada ishlab chiqilgan harbiy sanoatga oid yuzlab xildagi elektron qismlar aniqlangan.
«Afsuski, hatto G‘arb mamlakatlari ham hali-hanuz Rossiyani muhim uskunalar va komponentlar bilan ta’minlashda davom etmoqda. Bu – faqat Ukraina xavfsizligi uchun emas, balki sizlarning xavfsizligingiz va global adolat uchun ham jiddiy muammo», — dedi Zelenskiy.
Uning ta’kidlashicha, ukrain mutaxassislari Rossiyaning dron va raketalaridagi sanoat qismlarini tahlil qilib, kelgusi yetkazib berish bo‘yicha rejalashtirilgan shartnomalar haqida ham ma’lumotga ega bo‘lgan.
Eldor Shomurodov yangi jamoasining taklifini qabul qildi
Germaniya kansleri: Isroilning “iflos ishi” haqidagi fikrimdan afsuslanmayman
Ispaniya Bosh vaziri Yevropaga: “Siz ikkiyuzlamachisiz. Isroilga hech narsa qilolmayapsiz”
