Ukraina rahbari Vladimir Zelenskiy Buyuk Britaniyada dronlar ishlab chiqaradigan yirik zavod qurish rejalarini e’lon qildi. Bu haqda u Sky News telekanaliga bergan intervyusida ma’lum qildi.
Ukraina prezidentining so‘zlariga ko‘ra, Kiyev va London qurol-yarog‘ni birgalikda ishlab chiqarishni kengaytirishni muhokama qilmoqda.
U Ukraina dron texnologiyalari bilan bo‘lishishga, shuningdek, raketalar va Yevropa havo hujumidan mudofaa tizimini yaratishda hamkorlik qilishga tayyorligini ta’kidladi.
Ukraina prezidenti, shuningdek, Buyuk Britaniyaning yangi bosh vaziri Endi Bernem bilan telefon orqali muloqoti haqida gapirdi. Zelenskiy qurilishning aniq muddatlari, korxona uchun maydon va investisiyalar hajmini ochiqlamadi.
Fevral oyida Buyuk Britaniyada Ukrainaning birinchi mudofaa zavodi - Ukrspecsystems kompaniyasining dronlar ishlab chiqarish majmuasi ish boshladi.
Aprel oyida London 2026 yilda Ukrainaga 120 mingdan ortiq dron, jumladan, zarba beruvchi, razvedka, logistika va dengiz apparatlarini topshirish rejalarini e’lon qilgan edi.
O‘n yildan so‘ng pulning ahamiyati deyarli qolmaydi
1 avgustdan avtomobillar uchun gaz bepul bo‘ladi
Eron 200 nafardan ortiq amerikalik harbiy xizmatchilarni yo‘q qildi
