Zelenskiy: "Bizda Ukraina Qurolli kuchlari uchun mablag‘ yo‘q"

Ukrainada Qurolli kuchlar uchun mablag‘ yo‘q.

Bu haqda mamlakat prezidenti Vladimir Zelenskiy Time jurnaliga bergan intervyusida aytib o‘tdi.

Uning aniqlik kiritishicha, shuning uchun Ukraina Qurolli kuchlari G‘arb davlatlari, birinchi navbatda Yevropa davlatlari tomonidan "moliyalanishi" kerak.

"Ukraina Qurolli kuchlari dam olish kerak, rotasiya, zaxira va maosh kerak. Ayni paytda bu muammo, chunki armiya har doim hozirgidan kichikroq bo‘lgan. Armiya uch barobar ko‘p bo‘lganda, uni moliyalashtirish kerak. Shu bilan birga, Ukraina byudjeti yetarli bo‘lmaydi", - deya ta’kidladi Zelenskiy.

Uning so‘zlariga ko‘ra, Yevropa Ukraina Qurolli kuchlarini moliyalashtira oladigan alohida dasturlar yaratish kerak.

"Ideal holda, Yevropa va Amerika moliyalashtirishda ishtirok etishi kerak, ammo hozirgi sharoitda men ko‘proq Yevropa davlatlariga tayanaman", dedi u.