Ukraina prezidenti Vladimir Zelenskiy Afrika davlatlarining tinchlikparvarlik missiyasini qabul qilishga va ularning takliflarini tinglashga tayyor.
Bu haqda Ukraina prezidenti matbuot kotibi Sergey Nikiforov ma’lum qildi.
Nikiforovning qo‘shimcha qilishicha, Zelenskiy missiyani Ukraina “tinchlik formulasi”ni amalga oshirishga qo‘shilishga taklif qiladi.
Janubiy Afrika Respublikasi Xalqaro aloqalar va hamkorlik departamenti bosh direktori Zane Dangorning aytishicha, iyun oyi boshida Afrika davlatlarining tinchlikparvar missiyasi Ukraina inqirozini hal qilish yo‘llarini muhokama qilish uchun Moskva va Kiyevga tashrif buyurishi rejalashtirilgan.
