Rossiya Tashqi ishlar vazirligining rasmiy vakili Mariya Zaxarova Krasnodar o‘lkasiga dronlar hujumiga izoh berar ekan, G‘arb davlatlarini terrorizmni moliyalashtirishda aybladi.
Bu bayonot Rossiya tomoni Ukraina zimmasiga yuklayotgan Krasnodar o‘lkasiga dronlar hujumidan so‘ng yangradi.
Zaxarovaning so‘zlariga ko‘ra, «Evropa markazida Ukrainada hokimiyatni egallab olgan terroristik guruh faoliyat yuritmoqda», NATO davlatlari esa, uning ta’kidlashicha, terrorizmni moliyalashtirmoqda.
«Yaqinda NATO va Yevropa Ittifoqi terrorizmga nisbatan mutlaq murosasizlik siyosatini e’lon qilgan edi. Endi esa ularning o‘zi xalqaro terrorizmning bir qismiga aylandi», — dedi Rossiya tashqi siyosiy idorasi vakili.
Rossiya rasmiylari ma’lumotiga ko‘ra, 3 avgust kuni Krasnodar o‘lkasiga uyushtirilgan dronlar hujumi oqibatida Gelenjik yaqinidagi Arxipo-Osipovka qishlog‘i sohilida sakkiz kishi halok bo‘lgan, yana 58 kishi jarohat olgan.
Saudiya Arabistoni valiahd shahzodasi Trampni Eronga qarshi boshqa hujumlar uyushtirmaslikka chaqirdi
Rossiyada oltindan qimmat mineral topildi
Prezident ta’tildan uyiga qaytayotganda avtohalokatga uchradi
