2023–2024 yillarda O‘zbekistondagi maktablarda ma’nan eskirgan kompyuter sinflarini yangilash uchun 400 milliard so‘m mablag‘lar ajratiladi. Bu haqda “Xalq ta’limini rivojlantirishga oid qo‘shimcha chora-tadbirlar to‘g‘risida”gi prezident qarorida so‘z boradi.
Shuningdek 2022/2023-o‘quv yilidan boshlab 400 nafargacha o‘quvchisi bo‘lgan umumiy o‘rta ta’lim muassasalarida internet tezligini kamida 40 Mbit/soniya, o‘quvchilar soni 400 nafardan yuqori bo‘lganlarda – kamida 100 Mbit/soniya bo‘lishi ta’minlanadi.