O‘zbekistonda 7−11 iyul kunlari havo harorati asta-sekin pasayadi va +31…+38 daraja atrofida bo‘ladi. Farg‘ona vodiysi viloyatlarida qisqa muddatli yomg‘ir yog‘ishi ehtimoli ham bor.
O‘tgan hafta respublika bo‘yicha kuzatilgan kuchli issiqdan so‘ng, 7−11 iyul kunlari O‘zbekiston hududi bo‘yicha havo harorati asta-sekin pasayishi kutilmoqda, deya xabar berdi «O‘zgidromet».
Havo harorati dushanba kunduzi +36…+41 darajani, 8–9 iyul kunlari +33…+38 darajani, 10–11 iyulda +31…+36 darajani tashkil etadi. O‘zbekiston janubida ham harorat pasayadi va ish haftasining oxiriga kelib harorat +37…+40 daraja bo‘ladi.
Respublika hududining katta qismida yog‘ingarchilik kutilmaydi. Faqat Farg‘ona vodiysi viloyatlarida, shuningdek, tog‘oldi va tog‘li hududlarda 9–10 iyul kunlari qisqa muddatli yomg‘ir yog‘ishi ehtimoli bor.
Respublika bo‘yicha ba’zi joylarda shamol tezligi 13−18 metr/soniyagacha kuchayishi, chang-to‘zonlar bilan kuzatilishi mumkin.
Toshkentda havo biroz bulutli, vaqti-vaqti bilan o‘zgaruvchan bo‘ladi, yog‘ingarchilik kutilmaydi. 7 iyul kuni harorat asosan +39…+41 daraja, 8–9 iyulda +35…+38 daraja, 10–11 iyulda +32…+37 daraja bo‘ladi.
Kecha O‘zbekistonda eng issiq harorat rekordi yangilandi!
Jahongir Ortiqxo‘jayev Antalyada 550 mln dollarlik loyiha boshlagani ma’lum qilinmoqda
Kecha Toshkentda rekord darajadagi issiq havo qayd etildi
