Ma’lumotlarga ko‘ra, Roman Starovoyt Moskva yaqinidagi Odinsovo shahridagi shaxsiy uyida o‘lik holda topilgan. Rossiya Davlat Dumasining Mudofaa qo‘mitasi rahbari Andrey Kartapolov uning o‘limi sababini o‘z joniga qasd qilish deb aytdi.
Starovoyt Rossiya Transport vaziri lavozimida bir yildan biroz ko‘proq ishlagan. Bungacha u besh yil davomida Kursk viloyati gubernatori sifatida faoliyat yuritgan. Starovoytdan so‘ng Kursk viloyatiga vaqtinchalik gubernator etib Aleksey Smirnov tayinlangan edi, biroq u tez orada iste’foga chiqdi va keyinchalik hibsga olindi.
Mash Telegram-kanali ma’lumotiga ko‘ra, Starovoytning o‘z joniga qasd qilishi Kurskning Ukraina Qurolli kuchlari tomonidan egallangan hududlarida mudofaa inshootlari qurilishi jarayonidagi yirik o‘g‘irliklarga doir ish bilan bog‘liqligi taxmin qilinmoqda.
Ma’lumot uchun 2024 yil avgustida Kursk viloyatining bir qismi, jumladan Sudja shahri, Ukraina Qurolli kuchlari tomonidan egallab olingan edi.
Kecha O‘zbekistonda eng issiq harorat rekordi yangilandi!
Eldor Shomurodovning yangi jamoasi ma’lum. U Italiyadan ketmoqda
Jahongir Ortiqxo‘jayev Antalyada 550 mln dollarlik loyiha boshlagani ma’lum qilinmoqda
