2020 yilning yanvar-mart oylarida FHDYo organlari tomonidan 49,5 ming nikoh qayd etildi, mos ravishda 1000 aholiga nisbatan nikoh tuzish koeffisiyenti 5,9 promilleni tashkil etdi.
Hududlar bo‘yicha 2020 yil yanvar-mart oylarida eng yuqori nikoh koeffisiyenti Xorazm (10,8 promille), Qoraqalpog‘iston Respublikasi (7,8 promille) Buxoro (6,9 promille) Surxondaryo (6,6 promille) viloyatlarida kuzatildi.
Hududlar bo‘yicha 2020 yil yanvar-mart oylarida eng kam nikoh tuzish koeffisiyenti Jizzax (4,5 promille), Navoiy (4,7 promille) Namangan (4,7 promille) Qashqadaryo (5,1 promille) viloyatlarida kuzatildi.
2020 yilning yanvar-mart oylarida FHDYo organlari tomonidan 7,8 mingta nikohdan ajralishlar qayd etilgan bo‘lib, mos ravishda 1000 aholiga nisbatan nikohdan ajralish koeffisiyenti 0,9 promilleni tashkil etdi.
Hududlar bo‘yicha 2020 yil yanvar-mart oylarida eng yuqori nikohdan ajrashganlar koeffisiyenti Toshkent shahri (1,0 promille), Andijon (0,9 promille) Samarqand (0,8 promille) Toshkent (0,8 promille) viloyatlarida kuzatildi.
Hududlar bo‘yicha 2020 yil yanvar-mart oylarida eng kam nikohdan ajrashganlar koeffisiyenti Qoraqalpog‘iston Respublikasi (0,3 promille), Jizzax (0,3 promille), Navoiy (0,3 promille) va Sirdaryo (0,3 promille) viloyatlarida kuzatildi.
