YUNRVA: Isroil G‘azo shimoliga gumanitar yordam yetkazish haqidagi barcha so‘rovlarimizni rad etdi

Isroil G‘azo sektorida bosqinchilik va qirg‘inbarot urushini boshlaganiga 406 kun bo‘ldi. 24 soat davomida G‘azo sektori, Iordan daryosining G‘arbiy sohili hamda butun Yaqin Sharq hududida sodir bo‘lgan asosiy voqealar.

▪️Bosqinchilar Xon Yunis, Dayr al-Balah, Bayt-Laxiya, Nuseyrat va Jabaliya lagerlariga katta hujumlar uyushtirdi. Urush boshlanganidan buyon 43 736 kishi shahid bo‘ldi, 103 370 kishi jarohatlandi.

▪️YUNRVA: Isroil G‘azo shimoliga gumanitar yordam yetkazish haqidagi barcha so‘rovlarimizni rad etdi. Anklavning bu qismidagi shifoxonalar vayron qilingan, butun shimolda faqat 1 nafar jarroh qolgan.

▪️Livanda ishg‘olchilarning hujumlari natijasida 24 soat ichida 40 kishi halok bo‘ldi, ulardan 12 nafari fuqaro muhofazasi qutqaruvchilari. Bosqinchilar Baalbek shahri yaqinidagi Fuqarolik mudofaasi markaziga to‘g‘ridan-to‘g‘ri zarba berdi.

▪️ "Hizbulloh" Akko shahri shimolidagi Shraga bazasiga, Tel-Avivdagi Tel Xaim razvedka bazasiga, Hayfadagi Eliakim bazasiga raketa hujumi uyushtirdi va Tohir Harfa shahrida bosqinchilar guruhini yo‘q qildi.

▪️Suriya Mudofaa vazirligi: Isroilning Damashq va Qudsaya shahridagi turar-joy binolariga uyushtirgan hujumi natijasida 15 kishi halok bo‘ldi, 16 kishi yaralandi, jumladan ayollar va bolalar.

▪️ Parijda Fransiya va Isroil terma jamoalari o‘rtasidagi futbol o‘yini vaqtida tartibsizliklar boshlandi. Amsterdamda sharmanda bo‘lib mag‘lub bo‘lgan o‘sha «Makkabi» jamoasi endi Parijda ham yutqazdi. Fransuz muxlislari o‘yinga umuman qiziqish bildirmadi.

▪️Isroil xavfsizlik kuchlari yangi yahudiy aholi punkti qurish uchun yerlarni bo‘shatish maqsadida an-Nakb cho‘lidagi arab-badaviylar yashaydigan Umm al-Hiron aholi punktidagi oxirgi bino - masjidni buzib tashladi.