AQShning saylangan prezidenti Donald Tramp o‘zini Rossiya prezidenti Vladimir Putin bilan bo‘lgan iliq munosabatlaridan Ukrainadagi urushni tugatish va yirik yadroviy davlatlar o‘rtasidagi ziddiyatni kamaytirish uchun foydalanishi mumkin bo‘lgan usta savdogar sifatida ko‘rsatmoqda. Biroq bu tasvir ularning o‘zaro ta’siri tajribasiga va yangi geosiyosiy voqeliklarga zid keladi, deb yozadi The Wall Street Journal.
Trampning birinchi muddati davomida tomonlar na qurol-yarog‘ nazorati, na Ukraina bo‘yicha kelishuvga erisha olmadi va mamlakatlar o‘rtasidagi tafovut u prezidentlikdan ketganidan keyingina kengaydi. Rossiya rahbari saylanganidan beri Tramp haqida iliq gapirib, uni o‘tgan hafta «jasur» deb atagan bo‘lsada, Kreml The Washington Post gazetasining yetakchilar o‘rtasidagi telefon suhbati haqidagi xabarlarini rad etdi.
Bundan tashqari, Kremlda Donald Trampning yangi ma’muriyati bo‘yicha AQSh bilan munosabatlardagi muammolarni bartaraf etishga hozircha umid yo‘q, dedi Rossiya prezidenti matbuot kotibi Dmitriy Peskov. Uning so‘zlariga ko‘ra, Tramp hokimiyatga kelganidan keyin rossiyalik diplomatlarning BMTdagi viza muammolari hal etilishi haqidagi prognozlar erta.
💬 «Birinchidan: [muammolarni bartaraf etishda] umidlar haqida gapirishga hali erta. Ikkinchidan: hozircha hech qanday aloqalar bo‘lmagan va shunga ko‘ra, bu Amerika tomoni bilan ko‘tarilishi mumkin bo‘lgan yagona savol emas», — dedi Rossiya prezidenti matbuot kotibi.
Afg‘oniston varianti Ukraina uchun mos deb topildi
Kuraxovo suv ombori to‘g‘onining portlashi aks etgan video e’lon qilindi
Isroil vazirining Rossiyaga yashirin tashrifi haqida ma’lum bo‘ldi
