Mayk Tayson jang oldidan raqibiga tarsaki tushirdi

Afsonaviy bokschi Mayk Tayson (50-6-0,44KO) ertaga professional ringga qaytadi.

Bugun 58 yoshli Mayk Tayson o‘zidan 31 yosh kichik bo‘lgan mashhur amerikalik bloger Jeyk Pol (10-1-0,7KO) bilan jang oldidan vazn o‘lchab, raqiblar yuzma-yuz turishdi. Biroq, afsonaviy bokschining jahli chiqib, raqibiga tarsaki tushirdi. Ijtimoiy tarmoqlarda bu haqda video tarqaldi.

Taysonning vazni 228,2 funt (103,5 kilogramm), Polning vazni esa 227,2 funt (103 kilogramm) edi.

Mayk Tayson va Jeyk Pol o‘rtasidagi jang Arlington (AQSh)dagi 80 000 o‘rinli AT&T stadionida bo‘lib o‘tadi.

Eslatib o‘tamiz, jang Netflix platformasida namoyish etiladi. Professional boks qoidalariga ko‘ra, 2 daqiqadan iborat 8 raundlik jang o‘tkazilishi rejalashtirilgan. Shuningdek, kross-uchrashuv sportchilar faoliyatidagi rasmiy jang hisoblanadi.